ՀՀ դեսպան Տիգրան Մկրտչյանի հանդիպումը Միջազգային հունական համալսարանի ռեկտորի հետ

04 մայիսի, 2026

Հունաստանում Հայաստանի Հանրապետության արտակարգ և լիազոր դեսպան Տիգրան Մկրտչյանը հանդիպել է Միջազգային հունական համալսարանի (International Hellenic University) ռեկտոր պրոֆ. Ստամատիս Անգելոպուլոսի հետ։

Հանդիպմանը քննարկվել են համալսարանի և հայկական կրթօջախների միջև համագործակցության հաստատման հնարավորությունները։

Համալսարանի միջազգային կապերով ռեկտորի տեղակալ պրոֆ. Կոնստանտինոս Դիամանտարասը ներկայացրել է համալսարանի ծրագրերը։ Ընդգծվել է, որ Հունաստանի չորս տարբեր կամպուսներում գործող այս համալսարանն է առավել շատ անգլալեզու կրթական ծրագրեր առաջարկում։

Դեսպան Մկրտչյանն ընդգծել է կրթական ոլորտում Հունաստանի հետ վերջին տարիներին ակտիվացող համագործակցությունը, ներկայացրել է Հունաստանի տարբեր համալսարանական կենտրոնների հետ դեսպանության համագործակցության ծրագրերը։ Նաև կարևորվել է 2025 թ. կրթության ոլորտում Հայաստանի և Հունաստանի միջև կնքված համագործակցության ընդգրկուն պայմանագիրը, որը թույլ է տալիս այդ ուղղությամբ բովանդակային ծավալուն փոխշփումների զարգացման համար։

Հանդիպմանը մասնակցել է Սալոնիկում ՀՀ պատվո հյուպատոս Ակիս Դագազիանը։

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր