Դեսպան Տիգրան Մկրտչյանը հանդիպել է «Հերմես» ինստիտուտի հիմնադիր նախագահ Յանիս Կարաբելասի հետ

18 մայիսի, 2026

Հունաստանում Հայաստանի Հանրապետության արտակարգ և լիազոր դեսպան Տիգրան Մկրտչյանը հանդիպել է Միջազգային հարաբերությունների, անվտանգության և աշխարհատնտեսության "Հերմես" ինստիտուտի հիմնադիր նախագահ Յանիս Կարաբելասի հետ։

Հանդիպմանը քննարկվել են հունական տարբեր վերլուծական կենտրոնների հետ դեսպանության համագործակցության մանրամասները և համաձայնություն է ձեռք բերվել նաև նորաստեղծ կենտրոնի հետ ծավալել փոխգործակցություն։

Դեսպան Մկրտչյանն անդրադարձել է "Երևանյան երկխոսություն" համաժողովի մանրամասներին, նկարագրել այդ համաժողովի երրորդ միջոցառման հաջող անցկացումը, որին ներկա էին հունական մի շարք վերլուծական կենտրոնների ներկայացուցիչներ, իսկ Դելֆիի տնտեսական ֆորումը՝ որպես Երևանյան երկխոսության գործընկեր, հատուկ պանելային քննարկում համակազմակերպեց՝ ՀՀ Նախագահի մասնակցությամբ։

Հանդիպմանը քննարկվել են ինչպես Հայաստանի արտաքին քաղաքական զարգացումները, այնպես էլ Հունաստանի համար ռազմավարական կարևորություն ունեցող թեմաներ։

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր