Դեսպան Տիգրան Մկրտչյանը քննարկել է Աթենքի համալսարանի հետ կրթական և գիտական համագործակցության ընդլայնման հնարավորությունները

04 հունիսի, 2026

Հունաստանում ՀՀ արտակարգ և լիազոր դեսպան Տիգրան Մկրտչյանը հանդիպում է ունեցել Աթենքի ազգային և Կապոդիստրիական համալսարանի ակադեմիական հարցերով և միջազգային համագործակցության գծով ռեկտորի տեղակալ, պրոֆեսոր Սոֆիա Պապայոաննուի հետ։

Հանդիպման ընթացքում քննարկվել են հայ-հունական կրթական և գիտակրթական համագործակցության զարգացման հարցեր։ Դեսպան Մկրտչյանը կարևորել է Երևանի պետական համալսարանի և Աթենքի համալսարանի միջև համագործակցության հուշագրի վերաթարմացումը, ինչպես նաև ներկայացրել ՀՀ ԿԳՄՍ նախարար Ժաննա Անդրեասյանի՝ Հունաստան կատարած այցի ընթացքում ձեռք բերված պայմանավորվածությունների իրականացման ընթացքը։

Զրուցակիցները քննարկել են նաև Աթենքի համալսարանում հայերենի, ինչպես նաև Հայաստանում ժամանակակից և հին հունարենի դասավանդման հետ կապված հարցեր և երկուստեք պատրաստակամություն հայտնել շարունակել համագործակցությունը կրթության և գիտության ոլորտներում։

Պրոֆեսոր Պապայոաննուն վերահաստատել է Աթենքի համալսարանի պատրաստակամությունը՝ վերաստորագրելու ԵՊՀ-ի հետ համագործակցության հուշագիրը և աջակցելու համատեղ ակադեմիական նախաձեռնությունների իրականացմանը։

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր