Հայաստանն ու Ալբանիան զարգացնում են համագործակցությունը կրթության և գիտության ոլորտներում

14 հուլիսի, 2026

Ալբանիայում ՀՀ արտակարգ և լիազոր դեսպան Տիգրան Մկրտչյանը (նստավայրը՝ Աթենք) հանդիպել է Ալբանիայի կրթության և գիտության նախարարի տեղակալ Օրյանա Օսմանիի հետ։

Հանդիպման ընթացքում քննարկվել են կրթության և գիտության ոլորտներում երկկողմ համագործակցության զարգացման հեռանկարները։ Դեսպան Մկրտչյանն առաջարկել է խթանել Հայաստանի և Ալբանիայի բուհերի ու գիտակրթական հաստատությունների միջև ուղիղ կապերը՝ ուսանողների և դասախոսների փոխանակման, համատեղ հետազոտությունների, կրթական ծրագրերի մշակման, ինչպես նաև Erasmus+ և Horizon Europe ծրագրերին մասնակցության ուղղություններով։

Անդրադարձ է կատարվել STEM և թվային կրթության, ուսուցիչների մասնագիտական զարգացման, արհեստական բանականության կիրառման և կրթական ծրագրերում դրա ինտեգրման ոլորտներում փորձի փոխանակմանը։ Դեսպան Մկրտչյանը ներկայացրել է նաև «Թումո» ստեղծարար տեխնոլոգիաների կենտրոնի փորձը և կարևորել Տիրանայում գործող կենտրոնի հետ համագործակցության շարունակական զարգացումը։

Զրուցակիցները քննարկել են նաև կրթության, գիտության և սպորտի ոլորտներում համագործակցության իրավապայմանագրային հիմքի ձևավորումը։

Կողմերը պայմանավորվել են շարունակել աշխատանքը կրթության և գիտության ոլորտներում գործնական համագործակցության հաստատման ուղղությամբ։

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր